Kal ka sach,
Kal jhoot ban jaana hai,
Sach bhi mausam sa hai,
Kal phir badal jaana hai......

Aaj tmhare humraaz hai,
Kal raaz ban jayenge,
Aaj jo sath hai,
Kal yaad ban jayenge,
Waqt ke sath hume bhi,
Paani sa bah jaana hai,
Sach bhi mausam sa hai,
Kal phir badal jaana hai.....

Jo aaj ishq main,
Shaamein jiya karte hai,
Sath jeene -marne ke,
Vaadein kiya karte hai,
Un-vaadon ko ek din,
Be-wafa ban jaana hai,
Sach bhi mausam sa hai,
Kal phir badal jaana hai....

Ye yaari ,ye naate,
Jarurat ke dam par hai,
Kuch mazboot dhaage hi,
Sath gam tak hai,
Khoon ko hi khoon ka,
Dushman ban jaana hai,
Sach bhi mausam sa hai,
Kal phir badal jaana hai....