Khayaal ye tmhara...

Duniya ki bheed m bhi,
Tanhai mil jaati hai,
Na chahte hue bhi,
Jab tumhari yaad aati hai,
Ek khayaal ye bhi hai,
Kya tujhme bhi mere khyaal hai...???

Chai ke cup ki subah se,
Thaki hue shaamo tak ,
Aankhon main chhipe ashqo se,
Ankahe alfaazon tak ,
Saans dar saans tera ahsaas hai,
Ek khayaal ye bhi hai,
Kya tujhme bhi mera khayaal hai...???

Khaamosh raaston par bhi,
Teri aawazein sun leti hu,
Tujhse jo na kah paayi,
Teri tasveer se kah leti hun,
Mujhe to aaj bhi tujhse,
Pahli mohbbat sa pyar hai,
Ek khayaal ye bhi hai,
Kya tujhme bhi mera khyaal hai....???

Bahane dhundti hu,
Tujhse guftagu karne ke liye,
Saansein maangti hun,
Teri mohabbat main mrne ke liye,
Mera nikle dam ,tu ho samne,
Bas itna sa armaan hai,
Ek khayaal ye bhi hai,
Kya tujhme bhi mera khayaal hai....???

Tu beparwah hai, bedardi hai,
Isme bhi to rab ki marzi hai,
Sukr ada phir bhi khuda hai,
Mere dil main ishq ki khudgarzi hai,
Mujhse door rhne ka,
Kya tujhko malaal hai...?
Ek khayaal ye bhi hai ,
Kya tujhme bhi mera khayaal hai..???

Khayaal ka kya hai,
Waqt Bewaqt aa hi jaata hai,
Khayaal us hadd tk hai tera ki,
Bekhayaali m bhi tera khayaal aata hai,
Ishq nahi, mohbbat nahi,
Ye jazbaaton ka jaal hai,
Ek khayaal ye bhi hai,
Kya tujhe bhi mera khayaal hai...????

Ye dariya dili, ye pagalpaan,
Tere ishq main jo ho gyi hu jogan,
Ye bas tere liye hi hai,
kisi aur ka na hoga,
Phir kaise kare mohabbat,
Ek baar m hi behaal hai,
Ek khayaal ye bhi  hai,
Kya tujhme bhi mera khayaal hai...???

Kuch isliye bhi nahi kuch kahti m tujhse,
Pyar bina sharton ka jo hota hai,
Har koi maanta h ye baat,
Dil par zor kaha hota hai ,
Ladd le duniya se par,
Pr ishq to khud pr khud ki hi chaal hai,
Ek khayaal ye bhi,
Kya tujhme bhi mera khayaal hai...??